దేవాలయాల ఆస్తుల జోలికొస్తే ఊరుకోం:కన్నా

దేవాలయాల ఆస్తుల జోలికొస్తే ఊరుకోం:కన్నా
గుంటూరు: వైకాపా ప్రభుత్వం భక్తుల మనోభావాలు దెబ్బతీసే విధంగా వ్యవహరిస్తే చూస్తూ ఊరుకోమని ఏపీ భాజపా రాష్ట్ర అధ్యక్షుడు కన్నా లక్ష్మీనారాయణ హెచ్చరించారు. గుంటూరులో ఆయన మీడియాతో మాట్లాడుతూ.. తితిదే ఆస్తులు వేలం వేయాలన్న పాలకమండలి నిర్ణయాన్ని కన్నా తప్పుబట్టారు. దేవాలయాల ఆస్తుల జోలికి వస్తే ఊరుకునేది లేదని స్పష్టం చేశారు. ఫిబ్రవరి 29న పాలకమండలి తీర్మానం ఆమోదిస్తే ..ప్రొసీడింగ్స్‌ ఇచ్చే వరకు ఈ విషయాన్ని ఎందుకు గోప్యంగా ఉంచారని నిలదీశారు. నిరర్థక ఆస్తుల పేరుతో దేవుడి భూములను విక్రయించడం తగదన్నారు. సింహాచలం దేవస్థానం భూములు పలు చోట్ల కబ్జాకు గురయ్యాయన్నారు. కబ్జాదారులపై క్రిమినల్‌ కేసులు పెట్టి చర్యలు తీసుకోవాలని కోరారు. ప్రభుత్వం వ్యవహరిస్తున్న తీరు చూస్తుంటే భవిష్యత్‌లో దేవాలయాల భూములకు రక్షణ ఉండదనే అనుమానం కలుగుతోందన్నారు. జీవో 39, తితిదే, సింహాచలం భూముల రక్షణ కోసం పోరాటం చేస్తామని స్పష్టం చేశారు. వైకాపా తీరుకు నిరసనగా మంగళవారం ధర్నా చేయనున్నట్లు కన్నా తెలిపారు.

Leave a Reply

Your email address will not be published. Required fields are marked *